Aktori Xolo Maridueña pritet të rikthehet në rolin e superheroit Blue Beetle në filmin e ardhshëm të DC Studios, “Man of Tomorrow”.

Sipas raportimeve të mediave amerikane, Maridueña do të vazhdojë të luajë personazhin Jaime Reyes, i cili debutoi në filmin “Blue Beetle” të vitit 2023. Edhe pse universi i ri i DC-së është një riorganizim i madh i historive të mëparshme, disa personazhe do të vazhdojnë të jenë pjesë e tij.

Regjisori James Gunn kishte deklaruar më herët se historia e Blue Beetle nuk do të përfundonte me filmin e parë. Përveç rikthimit në ekranin e madh, një serial i animuar për këtë personazh është gjithashtu në zhvillim.

“Man of Tomorrow”, vazhdimi i filmit “Superman” me David Corenswet në rolin kryesor, pritet të sjellë edhe heronj të tjerë të DC-së, ndërsa premiera është planifikuar për 9 korrik 2027.