Aktori Michael Johnston, i cili u bë i njohur me filmin horror “Obsession”, është në bisedime për t’iu bashkuar kastit të filmit të ri “The Mummy 4”.

Sipas raportimeve, Johnston pritet të luajë përkrah aktorëve të njohur Brendan Fraser, Rachel Weisz dhe John Hannah, ndërsa filmi do të drejtohet nga dyshja Radio Silence, të njohur për filmat Ready or Not, Scream dhe Abigail.

Detajet e historisë ende mbahen sekret, por besohet se filmi do të jetë vazhdim i drejtpërdrejtë i “The Mummy Returns”. Skenaristi David Coggeshall ka përshkruar skenarin si "emocionues, të frikshëm dhe argëtues".

Xhirimet pritet të nisin më vonë gjatë këtij viti në Londër dhe Marok, ndërsa premiera e filmit është planifikuar për 15 tetor 2027.