Dubai ka nisur një fushatë të re për të rikthyer turistët, pasi numri i vizitorëve ka shënuar rënie pas tensioneve dhe sulmeve në rajonin e Lindjes së Mesme.

Programi i ri “A Dubai Invite” u ofron banorëve dhe qytetarëve të Emirateve shpërblime deri në 3 mijë dirhemë (rreth 816 dollarë) nëse ftojnë familjarë ose miq për të vizituar Dubain.

Personat mbi 18 vjeç me dokument identifikimi të Emirateve mund të propozojnë deri në tre vizitorë, të cilët mund të përfitojnë oferta për akomodim në hotele dhe shërbime të tjera turistike.

Kjo nismë vjen pasi Dubai, i cili në vitin 2025 mirëpriti një rekord prej 19.59 milionë turistësh ndërkombëtarë, ka përjetuar rënie të rezervimeve pas sulmeve me raketa dhe dronë në rajon.

Autoritetet po ndërmarrin edhe masa të tjera për të nxitur turizmin, ndërsa sfida kryesore mbetet rikthimi i besimit të udhëtarëve për ta parë Dubain si një destinacion të sigurt.