Filmi do të ketë një kohëzgjatje prej 1 orë e 43 minutash, duke u bërë filmi i dytë më i gjatë i Looney Tunes në histori, pas “Space Jam: A New Legacy”.

“Coyote vs. Acme” ka një histori të veçantë edhe jashtë ekranit. Fillimisht, Warner Bros kishte anuluar publikimin e tij në vitin 2023, por më pas filmi u ble nga Ketchup Entertainment dhe do të publikohet në kinema më 28 gusht.

Filmi kombinon aksionin real me animacionin CGI dhe tregon historinë e Wile E. Coyote, i cili vendos të padisë kompaninë Acme pas dështimeve të vazhdueshme të produkteve të saj gjatë përpjekjeve për të kapur Road Runner.

Në kast janë emra si John Cena dhe Will Forte, ndërsa filmi sjell edhe personazhe të tjerë të dashur të Looney Tunes.