Real Madridi ka reaguar pas aksidentit tragjik hekurudhor në provincën e Toledos, në Spanjë, ku raportohet për viktima dhe persona të lënduar. Përmes një deklarate zyrtare, klubi madrilen ka shprehur tronditjen dhe dhimbjen për ngjarjen, duke u përcjellë ngushëllime familjeve që humbën të dashurit e tyre. Njëkohësisht, klubi ka shprehur solidaritet me të lënduarit dhe të gjithë personat e prekur nga tragjedia. Real Madridi ka vlerësuar edhe angazhimin e ekipeve të emergjencës dhe të personelit të përfshirë në operacionet e shpëtimit, duke u shprehur mbështetje në këto momente të vështira.