Javën e shkuar, Mercedes-Benzi njoftoi se do ta prezantojë modelin e ri Mercedes-AMG GT 2024 në Monterey Car Week, krahas një versioni special të modelit SL. Këtë javë, prodhuesi i njohur i veturave ka shfrytëzuar rrjetet sociale për të nxitur ndjekësit me një video të shkurtër të modelit të ri që ka motorin V8 dhe sistem që tërheqë me të gjitha rrotat.

Videoja e postuar në Instagram nuk tregon detaje të shumta. Aty shfaqet tavani i coupes së veçantë. Videoja mbyllet me mesazhin se vetura e re Mercedes-AMG GT “do të ulërijë” rrugëve më 19 gusht.