Argjentina vazhdon të kryesojë botën për konsumimin e mishit të viçit, me rreth 46 kg për person në vit (101 paund).
Pas saj renditen Shtetet e Bashkuara me 37 kg (83 paund) për person, Izraeli me 36 kg (79.5 paund), Brazili me 34.6 kg (76.26 paund) dhe Polinezia Franceze me 32.8 kg (72.3 paund).

Por kur matet kërkesa totale, Shtetet e Bashkuara dominojnë tregun botëror me 12.8 milionë tonë të konsumuar në vit – shumë më përpara se Argjentina me 2.1 milionë tonë dhe Brazili me 7.4 milionë tonë. Kina, ndonëse ka konsum të ulët për person (vetëm 8.1 kg në vit), zë vendin e dytë në botë me 11.9 milionë tonë për shkak të popullsisë së saj të madhe.

Në anën tjetër, Republika Demokratike e Kongos dhe Polonia regjistrojnë nivelet më të ulëta në botë. Polonia konsumon vetëm 0.25 kg (0.55 paund) për person, ndërsa në DRC shifra është rreth 0.3 kg (0.7 paund), pavarësisht se ka mbi 100 milionë banorë.

Në total, konsumi global i mishit të viçit arrin rreth 59 milionë tonë çdo vit (130 miliardë paund). Ndërsa Amerika e Jugut mban vendin e parë për konsum për person, Azia – megjithëse me popullsinë më të madhe – mbetet me konsum shumë të ulët për frymë.