Cardi B ka hyrë në histori si reperja e parë femër që arrin të ketë dy albumet e para të saj që debutuan në vendin e parë të Billboard 200. Projekti i ri “Am I The Drama?” u hap me 200,000 njësi të shitura, duke shënuar javën më të madhe të vitit 2025 për një artiste femër në R&B/Hip-Hop.

Albumi me 24 këngë, ku përfshihen hitet “WAP” dhe “Up”, si edhe bashkëpunime me Janet Jackson, Lizzo dhe Selena Gomez, ka arritur sukses të ngjashëm me debutimin e saj të parë “Invasion of Privacy”, duke thyer rekorde të reja.

Në mënyrë origjinale, Cardi arriti edhe një Rekord Botëror Guinness duke shpërndarë kopje të nënshkruara të albumit përmes dronëve.

Pas një pritjeje shtatëvjeçare, ajo falënderoi fansat për mbështetjen dhe për tejkalimin e çdo pritshmërie, duke vërtetuar se fuqia e saj si yll dhe ndikimi kulturor mbeten të pakrahasueshme.