Raporti i ekonomistit: Pagat në Kosovë kanë shënuar rritje reale vetëm 5.6% në 10 vitet e fundit

Vendi | 03.10.2025 Ora 7:49

Ekonomisti Imer Raçi ka publikuar një analizë lidhur me rritjen e pagave dhe ndikimin e inflacionit në Kosovë gjatë dhjetë viteve të fundit.

Sipas tij, nga viti 2014 deri në vitin 2024, paga mesatare është rritur nga 403 euro në 639 euro, që në përqindje përfaqëson një rritje prej 38.68%. Megjithatë, kjo nuk mund të konsiderohet rritje reale. Raçi shpjegon se për të pasur një pasqyrë të saktë, duhet të llogaritet edhe inflacioni që ka ndryshuar ndër vite.

Nëse rritjes së pagave i zbritet inflacioni, del se rritja reale e pagës mesatare gjatë kësaj periudhe është vetëm 5.6%.

Kjo do të thotë se, ndonëse pagat nominalisht kanë shënuar rritje të dukshme, fuqia blerëse e qytetarëve ka mbetur pothuajse në vendnumëro.