Stephen King ka dhënë një koment entuziast për rikthimin e filmit The Running Man, para se ai të publikohet më 14 nëntor. Autor i njohur i horrorit, King e përshkruan këtë version si një thriller “fantastik” dhe një “Die Hard për kohët tona”, duke theksuar se është një “bipartisan thrill ride” që mund të bashkojë audienca të ndryshme.

Filmi i ri është i regjisuar nga Edgar Wright (Baby Driver, Shaun of the Dead) dhe ndjek Glen Powell në rolin e Ben Richards, i cili hyn në një garë ku duhet të mbijetojë 30 ditë për të shpëtuar vajzën e sëmurë, ndërsa ndiqet nga vrasës profesionistë. Në kast janë edhe Josh Brolin, William H. Macy, Michael Cera, Lee Pace dhe Emilia Jones.

King ka theksuar se ky version i përmbahet më shumë romanit të tij krahasuar me adaptimin e vitit 1987 me Arnold Schwarzenegger, duke miratuar skenarin e ri dhe mbylljen e filmit. Me regjinë e Wright dhe një kast të fuqishëm, ky thriller pritet të jetë një nga risitë më të spikatura të vitit.