Arsenali mund të ndëshkohet me 25,000 euro gjobë nga Federata Angleze e Futbollit pas barazimit 1-1 me Chelsean në “Stamford Bridge”.

Gjashtë futbollistë të skuadrës londineze – Martin Zubimendi, Cristhian Mosquera, Riccardo Calafiori, Piero Hincapie, Myles Lewis-Skelly dhe Viktor Gyokeres – morën karton të verdhë gjatë ndeshjes. Sipas rregullores së FA-së, çdo ekip që grumbullon 6 ose më shumë kartonë të verdhë në një ndeshje gjobitet automatikisht.

Shuma prej 25,000 eurosh është ndëshkimi standard për herën e parë në sezon, ndërsa një përsëritje do të dyfishonte gjobën në 50,000 euro. Pavarësisht kartonëve, Arsenali mbeti relativisht i disiplinuar, ndërsa Chelsea luajti me një lojtar më pak për gati një orë pas ndërhyrjes së Moises Caicedos ndaj Mikel Merinos.