Kylian Mbappé po vazhdon një formë të jashtëzakonshme dhe është shumë pranë thyerjes së rekordit të Cristiano Ronaldos për më shumë gola në një vit kalendarik me Real Madridin.

Francezi ka shënuar 55 gola në 55 ndeshje në vitin 2025, ndërsa rekordi aktual mbahet nga Ronaldo me 59 gola në vitin 2013. Me edhe pesë ndeshje të mbetura deri në fund të vitit, Mbappé ka mundësi reale ta barazojë ose ta tejkalojë këtë shifër.

Vetëm këtë sezon ai ka realizuar 30 gola dhe shtatë asistime në 24 ndeshje mes Real Madridit dhe kombëtares së Francës, duke regjistruar nisjen më të mirë të sezonit në karrierën e tij. Forma aktuale e vendos sulmuesin francez në prag të një momenti historik për klubin mbretëror.