Një foto e Vin Diesel me Cristiano Ronaldon, e realizuar në Arabinë Saudite në dhjetor 2024, po ringjall emocionet e fansave, pasi aktori konfirmoi se ylli portugez do të marrë pjesë në Fast and Furious 11.

Diesel e publikoi foton me mbishkrimin: “Vetëm dy fëmijë me ëndrra”, duke ndezur spekulimet e mëdha. Sipas tij, Ronaldo ka një rol të shkruar posaçërisht për të në filmin që pritet të dalë në prill 2027 dhe që teorikisht do të jetë filmi i fundit i serisë legjendare.

Portugezi, i cili ka qenë gjithmonë i apasionuar pas kinemasë, ka bashkëpunuar gjithashtu me producentin britanik Matthew Vaughan për të krijuar kompaninë e tij të filmave, UR MARV, që synon të kombinojë sportin me tregime të forta dhe inovacion në kinematografi.

Ndërsa Ronaldo ende nuk ka konfirmuar publikisht pjesëmarrjen, postimi i Diesel ka shkaktuar një valë entuziazmi në rrjetet sociale, duke ngritur pritshmëritë për debutimin e futbollistit në Hollywood