Trailer-i i filmit shumë të pritur Spider-Man: Brand New Day është rrjedhur online, vetëm disa muaj para rikthimit të Tom Holland në Universin Kinematografik të Marvelit. Pamjet janë shpërndarë në rrjetet sociale, por janë fshirë shpejt për shkelje të të drejtave të autorit, duke përforcuar bindjen se trailer-i ishte autentik.

Xhirimet e filmit kanë përfunduar këtë muaj dhe projekti ndodhet aktualisht në fazën e post-produksionit. Edhe pse nuk ka ende një datë zyrtare për publikimin e trailer-it, rrjedhja mund ta përshpejtojë lansimin zyrtar, me spekulime se ai mund të publikohet në fillim të vitit 2026.

Filmi do të sjellë personazhe të rinj dhe rikthimin e figurave të njohura si Hulk dhe Punisher, ndërsa Spider-Man: Brand New Day pritet të dalë në kinema më 31 korrik 2026.