Taylor Swift ka dhuruar 1 milion dollarë për organizatën humanitare Feeding America, vetëm pak ditë para Krishtlindjeve. Drejtoresha ekzekutive Claire Babineaux-Fontenot e cilësoi dhurimin si një mbështetje të jashtëzakonshme për familjet që përballen me mungesë ushqimi gjatë festave.
Ky nuk është gjesti i parë bamirës i yllit të muzikës pop. Swift ka kontribuar më herët me 100,000 dollarë për familjen e një prezantuesi radioje të vrarë në Kansas City, si dhe 1 milion dollarë për viktimat e tornadove në Tennessee. Ajo gjithashtu shpërbleu me bonuse të mëdha ekipin e saj të turneut rekord Eras Tour.