Kufjet janë bërë pjesë e përditshmërisë, por përdorimi i tepruar mund të shkaktojë dëmtime të përhershme në dëgjim, paralajmërojnë specialistët.

Një studim i Ofcom ka treguar se një i rritur mesatar kalon mbi 8 orë në ditë duke konsumuar media digjitale, shpesh më shumë sesa koha e gjumit. Për të shmangur dëmtimet, mjekët rekomandojnë rregullin 60/60:

Mos përdorni kufje më shumë se 60 minuta rresht.
Mos e kaloni volumin mbi 60%.

Sipas organizatës Action on Hearing Loss, ekspozimi ndaj tingujve mbi 89 decibel për më shumë se 5 orë në javë mund të shkaktojë humbje të dëgjimit ose tringëllimë në veshë (tinnitus).

Këshilla shtesë për përdoruesit e kufjeve:
Zgjidhni kufje mbi vesh (over-ear) në vend të atyre që futen në vesh.
Mos ndani kufjet me të tjerët për të shmangur infeksionet.
Pastroni dhe mbani të thata kufjet pas çdo përdorimi.