Ceremonia e Grammy 2026 u shoqërua me një episod të pazakontë dhe të sikletshëm gjatë ndarjes së çmimit prestigjioz “Albumi i Vitit”. Ikona e muzikës Cher, e ftuar për të shpallur fituesin, gabimisht lexoi emrin e Luther Vandross, legjenda e muzikës soul që ka ndërruar jetë në vitin 2005.

Çmimi në fakt i takonte këngës “Luther” nga Kendrick Lamar dhe SZA, një projekt që i referohet emrit të Vandrosit dhe frymëzohet nga puna e tij.

Ky detaj duket se çoi në konfuzionin momental gjatë leximit të rezultatit.

Sallën e pushtoi heshtja, por Cher e kuptoi menjëherë gabimin dhe shpalli fituesit e vërtetë.

Reagimi i publikut Cher kërkoi falje me sportivitet dhe buzëqeshje, ndërsa publiku reagoi me duartrokitje për të zbutur situatën.

Pamjet nga ky episod u shpërndanë me shpejtësi në rrjetet sociale, duke u kthyer në një nga momentet më virale dhe më të komentuara të Grammy-ve të këtij viti.
Ky incident mbetet një nga ngjarjet më të përfolura të Grammy 2026, duke treguar se edhe ikonat e muzikës mund të gabojnë në skenë.