Pas shumë spekulimeve, është konfirmuar se aktori dhe muzikanti Donald Glover do të jetë zëri i personazhit të famshëm Yoshi në filmin e ri të animuar The Super Mario Galaxy Movie.

Personazhi i dashur nga fansat u paralajmërua në fund të filmit The Super Mario Bros. Movie, ku në skenën pas titrave shfaqej një vezë që po çelej, duke lënë të kuptohej se Yoshi do të kishte rol më të madh në vazhdim.

Në kastin e ri janë konfirmuar edhe Luis Guzmán në rolin e Wart dhe Issa Rae si Honey Queen. Ata i bashkohen një liste të gjatë aktorësh të njohur që përfshin Chris Pratt si Mario, Anya Taylor-Joy si Princess Peach dhe Jack Black si Bowser.

Filmi vjen pas suksesit të jashtëzakonshëm të The Super Mario Bros. Movie, i cili arriti mbi 1.36 miliardë dollarë në arkëtimet globale. Vazhdimi pritet të dalë në kinema më 1 prill, me pritshmëri të larta për një tjetër sukses të madh në box office.