Bashkimi Evropian u ka bërë thirrje vendeve anëtare të shmangin përdorimin e pajisjeve kineze në rrjetet e telekomunikacionit, duke sinjalizuar një kurs më të ashpër ndaj furnizuesve si Huawei dhe ZTE.

Sipas Komisioni Evropian, ky është aktualisht një rekomandim dhe jo një detyrim ligjor, por ai tregon qartë drejtimin e politikave të ardhshme në nivel evropian.

Masa lidhet me përpjekjet për forcimin e sigurisë kibernetike, përfshirë paketën e re të njohur si “Cybersecurity Act 2.0”, e cila synon të identifikojë furnizuesit me rrezik të lartë dhe të mbrojë sektorë kritikë, veçanërisht rrjetet 5G.

Autoritetet evropiane shprehin shqetësime për ndërhyrje të mundshme të huaja dhe dobësi në zinxhirin e furnizimit, ndërsa nga ana tjetër Kina i ka cilësuar këto lëvizje si diskriminuese dhe potencialisht të dëmshme për marrëdhëniet tregtare.

Nëse rekomandimet zbatohen gjerësisht, ato mund të çojnë drejt një kufizimi praktik të pajisjeve kineze në infrastrukturën digjitale të Evropës.