TikTok po përballet me një padi kolektive në France, pasi 16 familje kanë akuzuar platformën për “abuzim me dobësinë” e adoleshentëve. Familjet pretendojnë se algoritmi i rrjetit social krijon varësi dhe ndikon negativisht në shëndetin mendor të të miturve, duke lidhur përdorimin e aplikacionit me raste depresioni, anoreksie dhe madje vetëvrasjeje. Avokatja Laure Boutron-Marmion deklaroi se TikTok është plotësisht i vetëdijshëm për efektet e sistemit të rekomandimeve, por sipas saj nuk po merr masa të mjaftueshme mbrojtëse. Padia synon drejtuesit e kompanisë në Francë dhe në nivel ndërkombëtar, ndërsa familjet kërkojnë që çështja të trajtohet penalisht dhe të forcohen rregullat për përdorimin e rrjeteve sociale nga të miturit. Nga ana tjetër, TikTok ka theksuar se ka vendosur dhjetëra masa sigurie dhe mjete mbrojtëse për përdoruesit adoleshentë.