Mijëra mësues dhe punonjës të arsimit në Meksikë kanë protestuar pranë stadiumit legjendar Estadio Azteca, që do të jetë një nga arenat kryesore të Kupës së Botës 2026. Protestuesit kërkojnë paga më të larta, kushte më të mira pune dhe reforma në sistemin e pensioneve, duke shfrytëzuar vëmendjen ndërkombëtare që ka sjellë turneu. “Ne nuk e duam Kupën e Botës, ne duam paga më të mira”, ishte një nga mesazhet kryesore të demonstruesve. Ata kritikuan gjithashtu çmimet e larta të biletave, duke argumentuar se eventi është bërë i paarritshëm për qytetarët e zakonshëm. Kupa e Botës 2026 do të organizohet nga United States, Canada dhe Mexico, ndërsa Meksika do të hyjë në histori si vendi i parë që pret ndeshje të Botërorit për herë të tretë.