46-vjeçari është arbitri i vetëm kinez që do të marrë pjesë në Botërorin 2026 dhe në vendin e tij po konsiderohet si një lloj përfaqësuesi kombëtar në mungesë të ekipit.

I njohur për stilin e tij të ashpër në ndarjen e kartonëve, Ma Ning ka fituar nofkën “Mjeshtri i Kartonëve”, sidomos pas një ndeshjeje në vitin 2015 ku ndau nëntë kartonë të verdhë dhe tre të kuq.

Megjithëse shpesh ka qenë figurë kontroverse në futbollin kinez, së fundmi ai është kthyer në një simbol krenarie për tifozët, me miliona shikime në rrjetet sociale dhe mbështetje të madhe online.

Kina nuk është kualifikuar në Kupën e Botës që nga viti 2002, ndërsa këtë vit tifozët po bëjnë shaka se “do ta shikojnë arbitrin e tyre duke ndarë kartonë” në vend të ekipit kombëtar.