Sekretari i Përgjithshëm i NATO-s, Mark Rutte, ka vlerësuar Kosovën si një partner të rëndësishëm dhe ka theksuar përmirësimin e situatës së sigurisë në vend.

Duke folur për perspektivën e Kosovës në NATO dhe rolin e Forcës së Sigurisë së Kosovës, Rutte tha se aktualisht fokusi kryesor mbetet stabiliteti dhe forcimi i misionit të KFOR-it.

Ai theksoi se, sipas vlerësimeve të NATO-s, situata e sigurisë në Kosovë është përmirësuar vitet e fundit, duke lejuar edhe rishikimin e nivelit të pranisë së trupave të KFOR-it.

Rutte shtoi se KFOR do të vazhdojë të ketë prani të konsiderueshme në Kosovë, në përputhje me mandatin aktual dhe nevojat e sigurisë në terren.