Aktorja e njohur Zendaya ka marrë lëvdata të mëdha nga regjisori i famshëm Christopher Nolan, i cili e ka cilësuar atë si “yll i vërtetë filmi” dhe “gjithmonë perfekte”.

Zendaya, e cila u bë e njohur fillimisht në Disney Channel, sot është një nga emrat më të mëdhenj të Hollywood-it me role në Dune, filmat e Spider-Man dhe serialin Euphoria, për të cilin ka fituar edhe dy Emmy Awards.

Gjatë xhirimeve të filmit të ri të Nolanit, The Odyssey, ajo tregoi se një koment “perfect” nga regjisori kishte pasur shumë peshë për të, duke e bërë të kuptojë nivelin e besimit që ai ka te aktorët e tij.

Filmi The Odyssey shënon bashkëpunimin e parë mes Zendaya dhe Nolan dhe pritet të dalë në kinema më 17 korrik, ku aktorja luan rolin e perëndeshës Athena.