Filmi i ri fantastiko-shkencor i regjisorit të njohur Ridley Scott, The Dog Stars, nuk ka arritur të bindë kritikët në vlerësimet e para.

Filmi, me protagonistë Jacob Elordi, Josh Brolin dhe Margaret Qualley, zhvillohet në një botë post-apokaliptike, ku një pandemi ka zhdukur pjesën më të madhe të njerëzimit dhe të mbijetuarit përballen me rreziqe të vazhdueshme.

The Dog Stars ka debutuar me vetëm 44% në Rotten Tomatoes, duke u bërë filmi me vlerësimin më të ulët të Scott në vitet 2020. Ai renditet edhe më poshtë se Napoleon, i cili ka 58%.

Kritikët kanë vlerësuar pozitivisht performancat e aktorëve dhe aspektin vizual, por kanë kritikuar historinë, duke e cilësuar jo mjaftueshëm origjinale dhe me elemente të njohura nga filmat post-apokaliptikë.

Pavarësisht reagimeve të përziera, The Dog Stars pritet të dalë në kinema më 28 gusht 2026.