Konsumatorët në SHBA kanë shpenzuar rreth 100.9 miliardë dollarë më shumë për benzinë dhe naftë që nga fillimi i luftës me Iranin në fund të shkurtit, sipas një vlerësimi të Universitetit Brown.

Kjo i bie rreth 770 dollarë për një familje amerikane, ndërsa shifra pritet të rritet nëse çmimet e karburanteve vazhdojnë të mbeten të larta.

Vetëm benzina u ka kushtuar amerikanëve rreth 55 miliardë dollarë shtesë, ndërsa nafta rreth 46 miliardë dollarë. Çmimi mesatar i naftës ka arritur në rreth 5.90 dollarë për gallon, duke vendosur rekord të ri.

Ekspertët paralajmërojnë se çmimet mund të rriten edhe më tej. Nafta Brent po i afrohet nivelit prej 100 dollarësh për fuçi, ndërsa Goldman Sachs nuk përjashton rritje edhe më të mëdha nëse prodhimi në Gjirin Persik mbetet i kufizuar.

Rritja e kostove të energjisë po shton presionin mbi inflacionin dhe buxhetet e familjeve amerikane.