Ford po përballet me presion nga administrata amerikane për shkak të bashkëpunimit me kompani kineze në sektorin e baterive dhe automjeteve elektrike. Sekretari i Transportit, Sean Duffy, i ka kërkuar drejtuesit të kompanisë, Jim Farley, të ndërpresë lidhjet me CATL, Geely dhe BYD, duke përmendur shqetësime për sigurinë kombëtare.

Ford e ka kundërshtuar kërkesën, duke mbrojtur investimin në Michigan, ku prodhon bateri përmes një marrëveshjeje licencimi me CATL. Kompania argumenton se krijimi i një zinxhiri tërësisht amerikan të furnizimit kërkon kohë, ndërsa administrata Trump kërkon që shkëputja nga teknologjia dhe prodhimi kinez të përshpejtohet.