Tom Holland është ngjitur në krye të listës së aktorëve, filmat e të cilëve kanë gjeneruar më shumë të ardhura në arkë, me një total prej 15.5 miliardë dollarësh në mbarë botën. Suksesi i “Spider-Man: Brand New Day” e ka ndihmuar 30-vjeçarin të kalojë Zoe Saldana dhe Scarlett Johansson në këtë renditje.

Suksesi i madh në kinema pritet të ndikojë edhe në fitimet personale të Holland, i cili është paguar 20 milionë dollarë për rikthimin si Peter Parker, pa llogaritur bonuset nga performanca në arkë. Aktori e nisi rolin e Spider-Man në vitin 2016 me një pagesë prej rreth 250 mijë dollarësh, ndërsa të ardhurat e tij janë rritur ndjeshëm me çdo film.