Një ndalim i ri i SHBA-së për disa produkte të importuara nga Kanadaja ka hyrë në fuqi, duke përfshirë alkoolin, produktet e qumështit dhe motoçikletat.

Masa e administratës së presidentit Donald Trump vjen në kuadër të përshkallëzimit të konfliktit tregtar mes dy vendeve fqinje.

Ndalimi prek produkte kanadeze me vlerë rreth 710 milionë dollarë, përfshirë pijet alkoolike dhe produktet e hirrës që përdoren në pluhurat proteinikë. Eksportet e motoçikletave drejt SHBA-së preken gjithashtu, megjithëse ndikimi pritet të jetë më i kufizuar.

Kryeministri kanadez Mark Carney ka deklaruar se masat do të kenë një ndikim relativisht të kufizuar në ekonominë e vendit, por ka pranuar se disa biznese dhe sektorë të prekur do të dëmtohen.

Ndërkohë, bisedimet tregtare mes SHBA-së dhe Kanadasë mbeten të pezulluara.

SHBA-ja ka vendosur tarifa deri në 50 për qind për një sërë produktesh kanadeze, ndërsa Kanadaja ka vendosur tarifa hakmarrëse prej 15 deri në 50 për qind për më shumë se 700 produkte amerikane.

Kanadaja ka vendosur gjithashtu një tarifë prej 25 për qind për disa produkte çeliku dhe alumini nga SHBA-ja.