Filmi i ri horror “Resident Evil”, me regji të Zach Cregger, ka arkëtuar 323.1 milionë dollarë në nivel global, duke u bërë filmi me fitimet më të larta në historinë e franshizës.

Sipas të dhënave të Box Office Mojo, filmi ka fituar 140.1 milionë dollarë në SHBA, ndërsa pjesa tjetër e të ardhurave vjen nga tregjet ndërkombëtare.

Megjithëse është larguar nga rreth 600 kinema krahasuar me publikimin fillestar më 18 shtator, filmi vazhdon të tërheqë publikun. Vetëm gjatë fundjavës së fundit në SHBA, ai arkëtoi 8.6 milionë dollarë.

Me një buxhet të raportuar prej 75 milionë dollarësh, filmi tashmë e ka kaluar pragun e nevojshëm për të mbuluar kostot e tij. Ai ka tejkaluar edhe rekordin e mëparshëm të franshizës, të mbajtur nga “Resident Evil: The Final Chapter”, i cili kishte fituar 312.2 milionë dollarë në mbarë botën.

Për momentin, Sony nuk ka konfirmuar nëse do të realizohet një vazhdim i filmit.