Michael Olise mund të largohet nga Bayern Munichu në të ardhmen, me Real Madridin që po e monitoron situatën e sulmuesit francez. Sipas gazetarit Christian Falk, madrilenët kishin shqyrtuar mundësinë e një oferte të madhe për 24-vjeçarin, por Bayerni e kishte konsideruar atë të paprekshëm. Klubi gjerman synon tani t’i ofrojë Olises një kontratë të re me kushte më të mira financiare, për ta mbajtur një nga lojtarët kryesorë të skuadrës. Megjithatë, Real Madridi nuk është i vetmi klub i interesuar, pasi në garë mund të përfshihet edhe Manchester City. Sipas raportimit, preferenca e Olises për një kalim të mundshëm në Spanjë mund t’i japë përparësi klubit madrilen, por deri tani nuk ka marrëveshje të konfirmuar. Francezi ka pasur një fillim mbresëlënës të sezonit, me tetë gola dhe katër asistime në nëntë ndeshje, duke shtuar interesimin e klubeve të mëdha evropiane.