Paris Saint-Germaini po shqyrton mundësinë e një oferte prej 70 milionë eurosh për mbrojtësin e Barcelonës, Eric Garcia, për afatin kalimtar të verës së vitit 2027. Sipas raportimeve të mediumit ElDesmarque, trajneri i PSG-së, Luis Enrique, e vlerëson lart futbollistin spanjoll dhe e sheh si një përforcim të përshtatshëm për projektin e tij. Enrique e njeh Garcian që nga koha kur drejtonte përfaqësuesen e Spanjës. Një nga arsyet e interesimit është aftësia e lojtarit për të luajtur në disa pozicione, përfshirë qendërmbrojtës, mbrojtës të djathtë dhe mesfushor defensiv. Gjatë sezonit 2025/26, Garcia zhvilloi 3.953 minuta në ndeshjet zyrtare për Barcelonën. Megjithatë, deri tani nuk është paraqitur asnjë ofertë zyrtare. Mbrojtësi ka kontratë me klubin katalunas deri në qershor të vitit 2031, çka i jep Barcelonës një pozitë të favorshme në negociata.