Këngëtarja shqiptare me famë botërore, Bebe Rexha, ka performuar së fundmi në eventin e ndarjes së çmimeve, ‘Nickelodeon Kids’ Choice Awards 2023’.

Ajo ka interpretuar për publikun hitin e saj “I’m Good (Blue)”, me të cilin u nominua për një çmim ‘Grammy’.

33-vjeçarja është dukur tejet tërheqëse e veshur me një kostum të bronztë, i cili theksonte vijën e saj të trupit.

Bebe Rexha në ‘Nickelodeon Kids’ Choice Awards 2023’ (Foto: Alberto E. Rodriguez/Getty Images)

E shoqëruar nga një trupë e baletit, Rexha ka kënduar live këngën e saj hit, e cila për shumë kohë qëndroi e para në top-listat britanike dhe amerikane.

Në fund të performancës, Bebe Rexha u lag me një ngjyrë të gjelbër, e cila ishte menduar si një “befasi e pakëndshme” në fund interpretimit.

Për ta bërë më interesante, organizatorët kishin menduar këtë ide, e cila sado e sikletshme të duket, e ka bërë edhe më interesante performancën e Rexhës.