Më 23 korrik, Nata Gala Ramë Lahaj & Friends, do të përjetojmë performancë magjepsëse nga yje të njohur të operës.

Në këtë koncert do të përformojnë Alessandro Safina, tenor i suksesshëm i pop-operës italiane, ka lënë gjurmë të pashlyeshme në muzikën klasike, Massimo Cavalletti, bariton, i cili ka pushtuar me shpejtësi shtëpitë më prestigjioze operistike dhe festivalet ndërkombëtare të operës, Julia Suleimanova, e cila është një nga këngëtaret më premtuese të brezit të saj. Ajo ka lindur në Kherson, Ukrainë, si dhe Rame Lahaj, tenor.

Kurse, dirigjent do të jetë Pier Giorgio Morandi.

 

Kjo gala mbrëmje mbahet në kuadër të edicionit të tretë të festivalit RLIOF, i cili mbahet nga 21 deri më 31 korrik, në Prishtinë. Përmbyllja e këtij festivali, do t’i kushtohet ikonës së muzikës, Nexhmije Pagarushës.

Edicioni i tretë i Ramë Lahaj International Opera Festival, synon të zhvillojë idenë e përfshirjes së artit operistik si një ndërmjetësues për të promovuar e mbrojtur lirinë, të drejtat e njeriut dhe ato sociale.

Tematika e festivalit këtë vit është “Opera për Liri”. Gjatë këtij edicioni, do të fokusohemi në promovimin e atyre zërave të cilët janë shpesh të margjinalizuar dhe të heshtur e që përdorin operën si mjet për t’u shprehur, për zhvillim dhe fuqizim.

Festivali RLIOF do të trajtojë çështje si: konfliktet ekzistuese, pabarazia gjinore, të drejtat e refugjatëve dhe të drejtat mjedisore.