Fansat mund të qetësohen sepse, Selena Gomez, i ka hedhur poshtë thashethemet rreth prishjes së raportit me Dua Lipan.

Themeluesja e kompanisë “Rare Beauty” e realizoi një intervistë me portalin “FastCompany” ku sqaroi gjithçka. Tregoi se si ndihet për këngëtaren e hitit “Levitating” të cilën e ka larguar nga lista e ndjekësve në Instagram gjatë verës.

Gomez zbuloi se kjo ka ndodhur aksidentalisht dhe nuk e kishte bërë Duan “unfollow” me qëllim.
“Ishte një aksident. Unë thjeshtë po e pastroja listën e ndjekësve në Inatagram, dhe nuk e kisha vënë re që e kam larguar Duan. Më pas dikush më telefonoi dhe më pyeti se çfarë ka ndodhur”.

Atëkohë, Gomez nuk u deklarua publikisht rreth asaj që kishte ndodhur. Por, përmes një postimi në Instagram tregoi se ka ndodhur një keqkuptim dhe më pas e publikoi një fotografi ku shihej e veshur me një fustan të koleksionit të Dua Lipas, “La Vacanza”, të krijuar në bashkëpunim me markën “Versace”, të cilën e shoqëroi me mbishkrimin: “Pak momente nga Versace dhe Dua”.

Tutje në intervistë, Selena la të nënkuptohet se shumë shpejtë mund të lansohet albumi i saj i katërt i incizuar në studio. Gjithashtu i paralajmëroi fansat të mos presin këngë pikëlluese nga ky incizim.

“Nuk mund ta shkruaj vërtet këngë pikëlluese nëse nuk jam e trishtuar. Më është dashur të mësoj sërish se si është të jem vetvetja dhe e lumtur. Në të gjithë albumin nuk ekziston një këngë pikëlluese”.

Këngëtarja dhe aktorja 31-vjeçare ka folur gjithmonë hapur për sfidat me shëndetin mendor dhe insiston se kurrë nuk do ta fshehë realitetin nga fansat e saj.

Gomez e cila ka qenë më lidhje me sy prej artistëve më të popullarizuar, Justin Bieber dhe The Weeknd, po ashtu zbuloi se është beqare dhe po ndihet më e lumtur se kurrë.