Diva e muzikës, Beyonce njoftoi të martën titullin e albumit të saj të ardhshëm, country. Pasi kishte ngacmuar më parë se do të publikonte një projekt muzikor country dhe fazën tjetër të albumit të saj të mirënjohur të vitit 2022 Renaissance më 29 mars, ajo zbuloi zyrtarisht se quhet “Act II: Cowboy Carter”.

Beyonce ka zbuluar zbuluar në faqen e saj zyrtare në Instagram, emrin e albumit të saj të ri “Act II: Cowboy Carter” që do të publikohet më 29 mars.

I titulluar “Cowboy Carter”, albumi është i disponueshëm për para-porosi, si dhe mallra në faqen e saj zyrtare. Disa prej këtyre artikujve përfshijnë një CD me kopertinë me botim të kufizuar.

Beyonce njoftoi vazhdimin e albumit të saj “Act I: Renaissance” në Super Bowl gjatë një reklame për Verizon ku në fund të së cilës ajo tha: “Ata janë gati, publikojini këngët e reja”. Më pas, Beyonce  ka publikuar disa këngë për projektin e ardhshëm si: “16 Carriages” dhe Hot 100 “Texas Hold ‘Em”. Kjo e fundit e bëri Beyonce-n, gruan e parë me ngjyrë që kryeson Billboard’s Hot Country Songs.

Beyonce arriti të ngjitej në vendin e parë në Billboard Hot 100 për herë të nëntë si artiste solo.