Në episodin e fundit të The Kardashians, Kim Kardashian dhe Kanye West u panë së bashku prapa skenave, ndërsa vajza e tyre North West, 11 vjeç, po përgatitej për të performuar në një koncert të Lion King në Hollywood Bowl, Los Angeles, në maj 2024.

Gjatë një rrëfimi personal, Kim u shpreh e lumtur që Kanye ishte i pranishëm në event. “Babai i saj ka qenë i përfshirë dhe erdhi në prova,” tha ajo.

Ajo tregoi gjithashtu se Kanye kishte kërkuar ndryshime në grafikët e performancës së North dhe se ajo i kishte inkurajuar producentët t’i merrnin seriozisht sugjerimet e tij.

“Sigurisht, sigurisht. Dhe unë vetëm i shikova (producentët) dhe u thashë: ‘Do të jetë një prodhim më i mirë.’” Pavarësisht marrëdhënies së tyre të ndërlikuar, Kim theksoi se të dy gjithmonë bashkëpunojnë për hir të fëmijëve të tyre.

“Kanye dhe unë duam më të mirën për fëmijët tanë. Kështu që, sa herë që jemi këtu për t’i mbështetur, gjithmonë përpiqemi të krijojmë energji pozitive,” tha ajo.