Deri në vitin 2050 pritet rritje 93% e vdekjeve nga kanceri te meshkujt

Të Tjera | 16.05.2025 Ora 8:24

Një studim global paralajmëron një rritje drastike prej 93% të vdekjeve nga kanceri tek meshkujt deri në vitin 2050, për shkak të plakjes së popullsisë, stilit të pashëndetshëm të jetesës dhe diagnostikimeve të vonuara.

Kanceret e prostatës, mushkërive dhe kolorektalit pritet të mbesin ndër shkaktarët kryesorë. Studimi nënvizon se burrat janë më pak të prirë të kërkojnë ndihmë mjekësore, shmangin kontrollet dhe shpesh ndjekin zakone të rrezikshme si pirja e duhanit dhe alkoolit.

Ekspertët kërkojnë veprime të menjëhershme: rritja e vetëdijes, normalizimi i kontrolleve të rregullta dhe eliminimi i stigmës rreth shëndetit mendor dhe fizik të burrave mund të shpëtojnë miliona jetë.