Justin Bieber ishte në kulmin e suksesit, duke fituar pothuajse një miliard dollarë si një fenomen ndërkombëtar muzikor. Por, pas shkëlqimit, problemet financiare vec rriteshin.
Një dokumentar i ri tregon se si ai ishte në prag të falimentimit dhe pse e shiti katalogun e tij muzikor pikërisht në kohë. Dokumentari eksploron problemet e tij financiare, shëndetin mendor, martesën dhe sfidat e karrierës, siç citohet në një raport nga TMZ.

Justin Bieber shiti të gjithë katalogun e tij muzikor për 200 milionë dollarë në vitin 2022 pasi pothuajse falimentoi, ka zbuluar dokumentari i ri i TMZ.
Pavarësisht se fitoi deri në 1 miliard dollarë, shpenzimet e tepërta dhe menaxhimi i dobët i parave çuan në vështirësitë e tij financiare.

Pasi turneu i tij Justice u anulua, Justin Bieber e gjeti veten në vështirësi serioze financiare. Sipas një serie auditimesh, ylli i popit i detyrohet Scooter Braun, ish-menaxherit të tij, miliona, sipas një raporti nga The Blast.
Pavarësisht mohimeve të tij publike, njerëzit e brendshëm besojnë se vështirësitë financiare të Bieber janë reale.
Sipas atyre pranë Justin, ai ishte në rrezik "kolapsi financiar" në vitin 2022, deri në atë masë sa u ndje i detyruar të shiste të drejtat e këngëve të tij atë dhjetor

Sipas raportimeve, Scooter Braun, menaxheri i Justin, u përpoq ta këshillonte atë të mos shiste kaq herët në karrierën e tij dhe të paktën të priste deri në janar 2023 për të marrë një lehtësim tatimor. Megjithatë, Justin refuzoi të priste dhe shiti në dhjetor, sipas një raporti nga TMZ.
 
Edhe pse shumë artistë kanë shitur katalogët e tyre, Justin është padyshim më i riu që e ka bërë këtë. Vendimi i tij u ndikua kryesisht nga situata e tij financiare.