Bono i U2 pritet si hero në Festivalin e Cannes

Muzikë | 19.05.2025 Ora 12:23

Plot 7 minuta kanë zgjatur ovacionet e publikut në festivalin e Kanës, pas shfaqjes premierë të filmit të ri, dedikuar frontmenit të U2, Bono.
Filmi 86-minutësh “Bono: Stories Of Surrender” u shfaq jashtë konkursit në festivalin e filmit të premten, me vokalistin e U2 të pranishëm në Grand Théâtre Lumière.

Bono më pas falënderoi publikun për reagimin e tyre dhe i bëri homazh regjisorit Andrew Dominik dhe të ndjerit Steve Jobs. Apple TV+ do ta transmetojë filmin në të gjithë botën nga 30 maji.

"Stories Of Surrender" është një hibrid i filmit koncertal dhe kujtimeve vizuale, që paraqet performanca të thjeshta live nga shfaqjet individuale të Bonos në Teatrin Beacon të Nju Jorkut në vitin 2023, si dhe pasazhe të fjalëve të folura nga autobiografia e këngëtarit të vitit 2022, "Surrender: 40 Songs, One Story".