Një burrë nga Florida përballet me deri në 30 vite burg, pasi u shtir si asistent për të rezervuar mbi 120 fluturime falas.
Prokurorët federalë thanë se 35-vjeçari Tiron Alexander përdori dokumente të rreme të linjave ajrore për të hyrë në fluturime të rezervuara për pilotë dhe ekuipazh, duke udhëtuar pa paguar të paktën 34 herë nga viti 2018 deri në 2024.

Ai thuhet se ka përdorur rreth 30 numra të ndryshëm ID-je nga linja të ndryshme ajrore për të realizuar skemën.

Alexander kishte përvojë të mëparshme në industrinë ajrore – ka punuar në sportelin e biletave për Delta (2010–2012) dhe më pas si asistent për dy kompani të vogla. Kjo përvojë mund t’i ketë ndihmuar të shmangë kontrollet e sigurisë dhe të rezervojë fluturimet në mënyrë të paligjshme.

Ai u shpall fajtor për mashtrim elektronik dhe hyrje të paligjshme në zona të sigurta të aeroporteve me identitet të rremë. Rasti u hetua nga TSA dhe po ndiqet penalisht nga Prokuroria e Shteteve të Bashkuara.