Dita Ndërkombëtare e Fëmijëve të Afrikës

Të Tjera | 16.06.2025 Ora 12:18

Çdo vit, më 16 qershor shënohet Dita Ndërkombëtare e Fëmijëve të Afrikës – një ditë që kujton protestën historike të nxënësve në Soweto, Afrikën e Jugut, më 1976, kundër diskriminimit racor në sistemin arsimor të regjimit të atëhershëm të aparteidit.

Mijëra fëmijë dolën në rrugë për të protestuar kundër vendimit për të imponuar gjuhën afrikane në shkollat publike, duke kërkuar të drejtën për arsim cilësor në gjuhën e tyre amtare. Protesta u përball me dhunë nga forcat e sigurisë, dhe më shumë se 100 fëmijë humbën jetën atë ditë, ndërsa qindra të tjerë u plagosën ose u arrestuan.

Kjo ditë është shpallur nga Organizata e Unitetit Afrikan (sot Bashkimi Afrikan) dhe mbështetet nga Kombet e Bashkuara si një thirrje për veprim në mbrojtje të të drejtave të fëmijëve, veçanërisht në kontinentin afrikan, ku shumë prej tyre përballen ende me varfëri, diskriminim, mungesë arsimi dhe dhunë.