New York City është rishkruar zyrtarisht në hartën klimatike globale. Sipas sistemit të klasifikimit të Klimës sipas Köppen-it, qyteti më i madh amerikan nuk konsiderohet më si klimë kontinentale me dimra të ftohtë, por ka kaluar në klasifikimin “Cfa” – klimë nën-tropikale me lagështi.

Ky ndryshim pasqyron realitetin e temperaturave në rritje dhe dimrave gjithnjë e më të butë, të ndikuar drejtpërdrejt nga ndryshimet klimatike dhe efekti i "ishullit të nxehtësisë urbane", ku ndërtesat dhe rrugët e shumta ruajnë nxehtësinë gjatë natës dhe e shtojnë ngrohjen ditore.

Dikur e njohur për dimrat e acartë dhe borën e madhe, New Yorku sot përballet me verëra më të gjata, më të nxehta dhe të lagështa, ndërsa dimrat janë bërë më të butë dhe më të shkurtër. Ky ndryshim është një tregues i qartë se si ngrohja globale po ndikon edhe në klimën e qyteteve që për dekada kanë pasur kushte të tjera atmosferike.

Ekspertët paralajmërojnë se ndryshime të tilla klimatike do të prekin gjithnjë e më shumë metropole të mëdha në botë, me pasoja për jetën urbane, energjinë dhe shëndetin publik.