“Captain America: Brave New World” shkëlqen në streaming pas dështimit në box office

Film | 30.06.2025 Ora 8:54

“Captain America: Brave New World” nuk arriti të përmbushë pritshmëritë në kinema, duke arkëtuar rreth 415 milionë dollarë dhe duke u konsideruar një zhgënjim për Marvel Studios. Megjithatë, filmi po njeh një sukses të madh në platformën Disney+, ku sipas të dhënave të Flixpatrol ka qenë filmi i tretë më i ndjekur më 27 qershor 2025 dhe është qëndruar në top 10 për plot 28 ditë.

Filmi madje ka arritur të ngjitet nga pozita e katërt në të tretën, duke treguar se popullariteti i tij vazhdon.

Marvel shpreson që projektet e ardhshme si “The Fantastic Four: First Steps” të ndryshojnë fatin në kinema, ndërkohë që streaming mbetet një dritare shpëtimi për filmat që nuk performojnë siç duhet në box office.