“Arrival” shpallet filmi më i mirë sci-fi i shekullit 21 nga industria e filmit

Film | 30.06.2025 Ora 8:58

Një sondazh i madh në industrinë e filmit, me mbi 500 regjisorë dhe aktorë pjesëmarrës, ka shpallur “Arrival” të Denis Villeneuve si filmin më të mirë sci-fi të shekullit 21. Filmi i vitit 2016, që trajton kontaktin e parë të njerëzimit me një civilizim alien, mori vlerësime të larta menjëherë pas publikimit.

Në listën “100 Filmat më të Mirë të Shekullit 21” të publikuar nga The New York Times, “Arrival” renditet në vendin e 29, duke kryesuar për filmat me zhanër të pastër sci-fi, edhe pse disa prodhime me elemente fantastiko-shkencore si “Eternal Sunshine of the Spotless Mind” dhe “The Dark Knight” janë renditur më lart.

Ky vlerësim përforcon statusin e Denis Villeneuve si një prej regjisorëve më të rëndësishëm të kohës moderne.