Dushi në mëngjes apo në mbrëmje? Kjo pyetje vjetër ka marrë një përgjigje të re falë kërkimeve të fundit shkencore. Sipas ekspertëve nga Harvard Medical School, dushi i mbrëmjes—nëse bëhet me ujë të ngrohtë, rreth një deri dy orë para gjumit—mund të përmirësojë ndjeshëm cilësinë e gjumit.

Kjo ndodh sepse trupi ynë ka nevojë të ftohet për të hyrë në gjumë të thellë. Dushi i ngrohtë nxit nxjerrjen e nxehtësisë nga trupi, duke e përgatitur atë për pushim. Përveç kësaj, një rutinë e tillë ndihmon në vendosjen e një ritmi të qëndrueshëm gjumi.

Për kreativitet, ekspertët sugjerojnë se mbrëmja është koha kur mendja është më e lirë dhe më e hapur ndaj ideve të reja – dhe një dush mund të jetë vendi i përkryer për frymëzim.

Nga ana tjetër, dushi në mëngjes ofron një ndjesi zgjuarjeje dhe freskie, duke ndihmuar njerëzit të përballojnë më mirë ditën. Për shumë të tjerë, është thjesht praktik: larja në mëngjes i shpëton nga flokët rebelë apo ndjenja e përgjumjes.

Dermatologët po ashtu përmendin rëndësinë e higjienës: nëse gjatë ditës ekspozoheni ndaj pluhurit dhe ndotjes, një dush në mbrëmje mund të jetë më efektiv për pastrimin e lëkurës para gjumit.

Koha e dushit varet nga qëllimi juaj – nëse dëshironi gjumë më të mirë dhe qetësi, zgjidhni mbrëmjen; nëse doni energji dhe përgatitje për ditën, mëngjesin. Por mbi të gjitha, qëndrueshmëria dhe rutina janë çelësi.