“Jurassic World: Rebirth” kalon 650 milionë dollarë në arkë

Film | 23.07.2025 Ora 8:19

Filmi “Jurassic World: Rebirth” ka hyrë fuqishëm në mesin e hitëve më të mëdhenj të vitit 2025, duke kaluar shifrën prej 650 milionë dollarësh në të ardhura globale. I regjisuar nga Gareth Edwards dhe me një buxhet prej 180 milionë dollarësh, ky sukses financiar vjen pavarësisht pritjeve të përziera nga kritika.

Me mbi 279 milionë të arkëtuara në SHBA dhe 373 milionë ndërkombëtarisht, “Rebirth” është bërë një nga filmat më fitimprurës të vitit, përkrah titujve si “A Minecraft Movie”, “Lilo & Stitch” dhe “Ne Zha 2”.

Megjithëse nuk ka gjasa të kalojë pragun e 1 miliard dollarëve si disa nga filmat e lartpërmendur, suksesi i “Rebirth” tregon edhe njëherë fuqinë e markës “Jurassic”. Ky është dëshmi se, ndonjëherë, nostalgjia dhe efektet speciale munden me mbijetuar edhe pa bekimin e kritikëve.