Është publikuar traileri i ri i filmit fantastiko-shkencor “Hope”, ku luan aktori Michael Fassbender, një projekt i madh koreano-jugor që tashmë po tërheq vëmendje ndërkombëtare.

Filmi, i drejtuar nga Na Hong-jin, është një thriller aksion-shkencor që ndjek një shef policie dhe partnerin e tij në një qytet të vogël, të cilët përpiqen të mbrojnë banorët nga një krijesë misterioze pasi zjarret masive ndërpresin çdo komunikim me botën e jashtme.

Në kast bëjnë pjesë edhe Alicia Vikander, Hwang Jung-min, Zo In-sung dhe Jung Ho-yeon.

Filmi debutoi në Cannes Film Festival, ku garon për çmimin prestigjioz Palme d'Or, dhe mori një ovacion prej gjashtë minutash nga publiku pas premierës.

“Hope” konsiderohet një nga produksionet më ambicioze koreane deri më tani dhe raportohet të ketë buxhetin më të lartë ndonjëherë për një film korean. Ende nuk është bërë publike data zyrtare e publikimit në kinema.