Aqua, grupi që dominoi skenën pop të viteve ’90 me hitin legjendar Barbie Girl, ka njoftuar zyrtarisht shpërbërjen pas gati tre dekadash aktivitet.

Lajmi u bë publik përmes llogarisë zyrtare të grupit në Instagram

, ku anëtarët ndanë një mesazh emocional për fansat që i kanë ndjekur që nga fillimet e tyre.

“Pas shumë vitesh të jashtëzakonshme, kemi vendosur ta mbyllim kapitullin e Aqua si një grup muzikor live”, shkruhej në deklaratë.

Anëtarët e grupit shtuan se Aqua ka qenë një pjesë e madhe e jetës së tyre dhe se kishin përjetuar më shumë sesa kishin imagjinuar ndonjëherë.

“Kur je bashkë për kaq shumë kohë, mëson të dallosh momentin kur duhet të mbrosh atë që ke krijuar. Na duket se tani është koha e duhur për të thënë lamtumirë, ndërsa kujtimet janë ende të freskëta dhe dashuria për muzikën, historinë tonë dhe njëri-tjetrin është e paprekur”, thanë ata.

Aqua u formua në vitin 1994 me anëtarët Lene Nystrom, Soren Rasted, Rene Dif dhe Claus Norreen.

Grupi arriti famë globale në vitin 1997 falë këngës Barbie Girl, e cila u kthye në një nga këngët më ikonike të pop-it të asaj periudhe.

Përveç këtij superhiti, ata publikuan edhe këngë të njohura si Doctor Jones, Turn Back Time dhe Cartoon Heroes.

Grupi ishte shpërbërë për herë të parë në vitin 2001, përpara se të ribashkohej në vitin 2007 për turne dhe projekte të reja muzikore.