Këngëtarja shqiptare me famë ndërkombëtare, Rita Ora, ka reaguar pas zgjedhjes së Justina Shiroka-Pulës në postin e presidentes së Kosovës. Rita ka shpërndarë në rrjetet sociale një video nga momenti i betimit të presidentes së re para deputetëve të Kuvendit. Artistja, e cila është Ambasadore Nderi e Kosovës, ka treguar ndër vite lidhjen e saj të veçantë me vendin dhe ka promovuar Kosovën dhe kulturën shqiptare në arenën ndërkombëtare. Reagimi i saj vjen pas një periudhe të gjatë ngërçi politik në Kosovë, gjatë së cilës institucionet patën vështirësi në arritjen e një marrëveshjeje për zgjedhjen e presidentes së re.